CMU – програма

Коузон и Ко., во соработка со Central Michigan University (CMU) и Walt Disney World Resort со задоволство ја нуди и оваа релативно нова програма со која студентите од Македонија имаат можност да завршат еден семестар од своето универзитетско школување во САД. Оваа програма која е во времетраење од 6 месеци, претставува комбинација од посетување настава и студирање во Central Michigan University и платена пракса во Walt Disney World Resort. После завршувањето на програмата студентите добиваат интернационални кредити кои ќе бидат признаени со 24 кредити според European Credit Transfer System.

Програмата е наменета за сите редовни студенти кои студираат на општествените науки (економски, јазици, туризам и угостителство, спорт и рекреација и други).

За оваа програма има два термини годишно на заминување и тоа:

1. Јануари 2010
2. Мај 2010

Академскиот дел од наставата вклучува повеќе предмети за изучување кои студентите имаат можност самите да ги изберат. Дел од предметите кои ги нуди оваа програма се следниве:

-Communications                                                        -Human Resources
- Practicum                                                                  -Experiential Learning
-Organizational Leadership                                         -Hospitality Management        
-Marketing You – Personal & Career Development

Услови за аплицирање:

1. Апликантите да бидат редовни студенти
2. Да бидат на возраст од 18 до 26 години
3. Да зборуваат англиски јазик
4. Студентите да бидат запишани на еден од гореспоменативе факултети

Документи потребни за аплицирање:

1. CV напишано на англиски јазик
2. 2 фотографии пасошки формат
3. 2 копии од пасош
4. 2 препораки од претходни работодавци (не е задолжително)
5. Мотивационо писмо
6. Копија од претходна Ј1 виза (доколку студентот има)
7. Копија од SSN (доколку студентот поседува)

Со доставувањето на овие документи студентот има право да присуствува на презентацијата и на интервјуата за работа со рекрутерите од Walt Disney World. Доколку студентот добие работна понуда и ја прифати истата студентот е обврзан да ги достави и дополнителните документи кои се потребни за понатамошната процедура на програмата:

1. Интернационален извод – доколку студентот за прв пат аплицира за Ј1 виза
2. Потврда од факултет дека е редовен студент
3. Уверение за неосудуван

Напомена:
Откако студентот ке ја прифати работната понуда добиена после интервјуто и при доставувањето на дополнителлните документи е обврзан да уплати 3000 денари (неповратни средства) на жиро сметка на агенција Коузон. Овие 3000 денари понатака се прифакаат како дел од уплатата за здравствено осигурување (види подолу).

Трошоци на програмата:

Апликантите за CMU програмата се обврзани да си ги покријат патните трошоци, трошоците за виза како и трошоците за школарината. Трошокот за школарина студентот ја плака исклучиво после добивањето на Америчка виза. Секој апликант има две можности да ја извши оваа уплата и тоа: преку сметка да ги уплати средствата директно на CMU или пак истите средства да ги уплати после нивното пристигнување во САД. Како и за ICP програмата така и за CMU, ниту Коузон ниту било кој агент кој е претставник на Коузон нема право да зема провизија од страна на студентите. Вкупните трошоци кои студентите би ги имале доклоку аплицираат за CMU програмата се следниве:

1. 131 долар за Америчка виза
2. 12 долари за пин
3. 100 долари за SEVIS
4. 1750 долари школарина
5. 150 до 200 евра здравствено осигурување
6. Авио билет (600 до 750 евра)

Средствата за осигурување и авио билетот се уплакаат после добивањето на виза. Исклучок од ова се првичните 3000 денари кои ги уплака студентот со прифакањето на работната понуда и поднесувањето на вториот дел од документите потребни за аплицирањето на оваа програма.

Во случај студентот да не добие виза неповратни средства се:

1. 131 долар за Америчка виза
2. 12 долари за пин
3. 100 долари за SEVIS
4. 3000 денари

 

Важно:
Доколку студентот се откаже од програмата пред влез во амбасада а после доставувањето на дополнителните документи и уплатата на првиот депозит од здравственото осигурување, уплатените 3000 денари во никој случај не се повратни.

Дополнителни информации:

Сместувањето на студентите е обезбедено од страна на Walt Disney World. Студентите живеат во студентски кампуси кои се наоѓаат во околината на самиот резорт и се со 24 часовно обезбедување. Апликантите живеат во апартмани кои имаат од 2 до 3 соби. Во секоја соба живеат по двајца студенти и имаат заедничка  дневна, кујна и бања. Апликантите плакаат неделна кирија во износ од 80 до 105 долари во кои се вклучени трошоците за сместувањето, кујнски помагала, интернет, кабловска телевизија, локални телефоснки разговори. Транспортот до работа, часовите и други социјални активности е обезбеден и бесплатен и се врши со автобуси кои ги превезуваат исклучиво интернационалните апликанти на Walt Disney World.

При пристигнувањето во Walt Disney, апликантите имаат дводневен тренинг на кој им се даваат корисни информации за целиот престој во САД. Во овој период студентите се обврзуваат да уплатат еднократна такса во висина од 100 долари. Оваа такса е наменета за покривање на сите социјални случувања кои Disney World ги организира во кампусите за живеење.

Walt Disney World ги нуди следниве позиции за апликантите. Висината на платата се движи од 7.21 до 8.48 долари на саат. На апликантите им се нудат од 30 до 45 работни саати неделно со можност за екстра работни саати доколку самите апликанти изразат желба за тоа. Платата за секој екстра саат (над 40 часови неделно) изнесува саатнина и пол.

• Quick-Service Restaurant
• Host/Hostess
• Merchandise Host/Hostess
• Attractions/Operations Host/Hostess
• Custodial Host/Hostess
• Quick-Service Kitchen Only
• Lifeguard
• Hospitality
• Full-Service Food and Beverage Host/Hostess