ХИТ ПОНУДА
DEMI PAIR ПРОГРАМА

Што претставува програмата?

Оваа програма го комбинира Интензивниот курс по англиски јазик (општ, академски или деловен англиски јазик, или подготвителен за IELTS и Кембриџ тестирањето), со чување и грижа за деца и полесни домашни задачи. Студентот ќе добие сместување, оброци и неделен џепарлак (од 120 до 150 АU$ неделно).
Студентите ќе имаат часови по англиски јазик од понеделник до петок (од 8.30-12.50 или од 9.40 до 14.30. Курсот по англиски започнува секој понеделник ,преку целата година. По завршувањето на часовите, студентите имаат работа со семејството и имаат околу 20 работни часови неделно.

Кој може да аплицира за програмата?

Студенти постари од 20 години кои имаат значително искуство со работа со деца (2 препораки се потребни за да се потврди тоа)и кои го познаваат англискиот јазик мин Intermediate Level и валидна возачка дозвола. Ако студентот не го владее англискиот јазик, потребно е да се запише предходно на супер интензивен курс по англиски јазик во времетраење од 2-4 недели.
Студентот треба да е мотивиран,одговорен, флексибилен и да превзема иницијатива во семејството. Исто така треба да се придржува до правилата на семејството.
Целосната апликација треба да се добие најдоцна 3 месеци пред почетокот на курсот. Семејство се бара откако студентот ќе биде прифатен од програмата, ќе се добие целосната документација и се уплати целата сума.

За работата во семејството

Студентите ќе треба да работат околу 20 часа неделно за нивната Demi Pair фамилија. Работните часови и задачи ќе варираат во зависност од потребите на семејството, во просек од 4-5 часа дневно.
Demi Pair програмата е поврзана со грижа за децата, нивна подготовка за училиште, носење или земање од училиште/градинка, организирање на активности, подготовка на лесни оброци,вечера, помош околу домашните работи на децата, капење и сл. Може да се бара и помош околку домашните работи, облеката, чистење, пеглање, готвење, перење и пазарење во маркет.
Најголем дел од викендите студентот е слободен. Сепак, повремено, семејството може да побара од студентот да се грижи за децата и преку викенд. Ние бараме и од студентите и од семејствата да бидат флексибилни.

Типови на виза

Студентите мора да имаат Student visa или Working Holiday Visa. Минимум должина на курсот и програмата е 12 недели.

Подршка и менаџирање со програмата

Студентите се поврзуваат со семејства врз основа на нивните барања и врз основа на барањата од семејствата. Потоа имаат разговор преку Skype. Сиднеј е голем град и понекогаш е потребно и 1 час превоз во еден правец.
На студентите им се нуди 24 часовна подршка за било каков проблем.
Потребно е да се остави депозит од 480 АU $ за 2 недели кои треба да се уплатат при запишувањето во случај студентите да пристигнат порано и семејството да не е во можност да ги прифати веднаш.

Трошоци за програмата

Demi Pair Placement fee 300$
Demi Pair Bond Deposit 300$
Homestay Deposit 480$
Апликација Коузон 2000 денари.

Напомена- трошоците за јазичен курс, виза за австралија како и сите други дополнителни трошоци (преводи на документи, брза пошта и сл. не се вклучени во цената).

За подетални информации околу цените и услови на патување ве молиме контактирајте не на 02/329 6643 или пишувајте на matiloska@kouzon.com.mk