Турку, 2 ноември (МИА) - Најголемиот крстосувач во светот, кој е петпати поголем од „Титаник“, овој викенд исплови од бродоградилиштето во финското пристаниште Турку и отплови за Америка.

Крстосувачот „Оаза на морето“ (Oasis of the Sea) е висок како зграда од 20 ката, има лизгалиште и голф игралиште, како и амфитеатар на отворено за 750 луѓе.

Вчера околу пладне мина низ теснецот Скагерак и вплови во Атлантикот. Матичното пристаниште ќе му биде Порт Еверглејдс, Флорида, а изграден е за луксузната флота „Ројал Карибиан“. Првите патници ќе можат на пловат со него на 1 декември.

Крстосувачот, вреден 1,5 милијарди долари, а нарачан долго пред економската криза која го зафати свсетот, но сигурно нема сомневање оти ќе има и патници, односно профит.



- Секако, не очекувавме дека ќе заринкаме во ваков тежок економски момент, но без оглед на кризата, многу сме возбудени, рече главниот директор на „Ројал Карибиан“ Адам Голдштајн. „Оаза на морето“ има носивост од 22 бруто-регистарски тони, долга е 361,8 метри, широка 63,4 метри и висока 72 метри над водата. Има 16 патнички палуби, 2.700 кабини и може да прифати 6.300 патници, а го опслужуваат дури 2.100 членови на екипажот. За 40 отсто е поголем од кој било друг крузер.

Новината на овој број е што има дури седум одделни квартови - тематски паркови, плоштади и арени. Еден од квартовите е тропски парк, кој што вклучува и палми, винова лоза и уште -12.000 билки.

Цените за едно крстарење се движат од 1.300 до 4.800 долари, што е двојно поскапо отколку за досега најпопуларниот крузер на компанијата „Слобода на морето“ (Freedom of the Seas).

МАКЕДОНСКИ МОРНАРИ НА НАЈГОЛЕМИОТ БРОД НА СВЕТОТ

Особено значајно за нас е да истакнеме дека имаме Македонци на најголемиот брод на светот Oasis of the Seas , кои се регрутирани и вработени преку Коузон.
Ти не не заборавија нас ( како што и ние не ги забораваме никогаш нив ) па ни испратија Уникатни , Ексклузивни и пред се преубави фотографии . Тие ја имаа честа да бидат избрани од големата “ армија “ на вработени на RCCL за да помогнат во отварањето и промотивните крстарења на овој спектакуларно луксузен и огромен брод .

Радоста да биде уште поголема RCCL во моментов ни испрати листа со имиња на кандидати кои беа селектирани на последното интервју во Скопје во Септември кои исто така ќе бидат дел од тимот на овој брод.
Сликите кои следат кажуваат повеќе од нашите зборови .